呢一個地方其實係想寫低一啲我一家人嘅經歷👪, 雖然我哋又唔係咩傳奇, 不過話曬都係第一次做老豆冇理由唔記得自己發生過嘅嘢😝。 而家麻薯波波已經半歲啦, 終於得起心肝記錄返, 如果唔係我驚之後全部都唔記得😂😂 其實一直以嚟都冇諗過自己會有機會做老豆, 因為覺得真係好大責任😣, 同埋喺香港呢個社會有好多未知之數就嚟生活都好似好困難係咪真係想一個新生命呢個世界呢? 😳不過我老婆又開始覺得自己年紀大(其實都唔係好大, 我咁啱講過一定D7我😅), 就問我如果呢段時間唔要嘅話咁佢就唔會再要,咁我哋就開始喺度諗,😕如果試咗唔得嘅話咪算囉, 都係兩三年時間啫, 如果有嘅話就三個幸福生活👪, 都係睇個天想唔想畀我哋😄, 因為身邊好多識嘅人都唔係話中就中, 感覺上都係一切隨緣。 下一個月之後, 可能我太過精壯💪嘅關係, 我哋真係bingo🎉, 老實講真係冇諗過, 因為聽講話幾次先得, 我種感覺係唔係真係咁L快呀😅, 真係冇諗咁突然所以要即刻去搵醫生檢查, 我老婆因為想睇女醫生, 所以搵咗個好好嘅女醫生叫鄭昆瑜, 當時佢啱啱自己出嚟開診所 所以都好容易book, 好快我哋就第一次去睇bb, 只係得一粒紅豆咁大, 個時我心裏面覺得好神奇, 但另一方面就開始喺度諗我要做老豆嘅準備, 其實係勁淆底。 今時今日諗返呢件事嘅話其實當時真係好鬼求其, 好似真係好冇重視過呢件事, 冇乜嘢為咗 “佢” 預備。 之後我哋如常咁樣生活, 就好似一切都係理所當然一樣, 可能只係買外賣買啲較為冇咁差嘅食物( 事實上都係垃圾食物), 冇乜執過屋令太太生活得舒服, 冇諗過為之後嘅生活打點下。 有個bb嘅老豆應該都知, 當你知道有咗時, 佢已經係五至六週大, 我唔知幾多個人同我一樣以為係見到有個日先開始計, 所以我記得應該係第八週之後就會聽到火車聲( 即係心跳), 嗰種感覺係應該冇人可以話畀你聽嘅有幾特別。 但係我係好記得。 既來之則安之, 係我同我老婆嘅態度, 冇乜嘢特別心理之下Continue reading “第一次做老豆的心路歷程 一”
"麻薯波波"出爐啦 